Îdiayên ku du zarokên 14 salî hewl dane tecawiz li keçekê bikin, li bajêrê Ballymena nerazîbûnek mezin çêkiriye. Piştî bûyerê bi sedan kes daketin kolanan û xwepêşandan lidar xistin. Xwepêşandanên ku di demek kurt de nekarîn werin kontrol kirin, veguherî pevçûnên tund ên bi hêzên ewlehiyê re.

Her çend polîsan xwepêşandan wekî "nijadperestî" bi nav kir jî, Serokwezîrê Keyaniya Yekbûyî Keir Starmer di axaftina xwe ya li Parlamentoyê de bûyer wekî "êrîşên bêaqil" bi nav kir û bûyerên qewimîne bi tundî şermezar kir.

Tevî bangên ji bo aramiyê di nav rojê de, di êvarê de dîsa rageşî zêde bû. Her çend xwepêşanderan kevir, fîşekên hewayî û kokteylên Molotov avêtin polîsan, polîs jî bi ava şid mudaxele kirin. Heta niha di bûyeran de 32 polîs birîndar bûne û 6 kes hatine binçavkirin.

BÛYERÊN TUNDIYÊ BELAVÎ BAJARÊN DIN JÎ DIBE

Buyerên tundiyê bi Ballymena ve sînordar nema. Li Larne, ku nêzîkî 30 kîlometreyan dûr e, navendeke şahiyê ya demkî hate şewitandin. Tê gotin ku êrîş koçberên Romanyayî hedef girtine. Rastiya ku gumanbaran bi rêya wergêrekî Romanyayî daxuyaniyên xwe yên dadgehê dane, aliyê nijadperest ê bûyeran anî rojevê.

Êvara Sêşemê, êrîş li ser mal û kargehên li taxên ku koçber lê kom bûne hat kirin. Xwepêşanderan li van deveran bi kokteylên Molotov û keviran êrîşî polîsan kirin. Polîsan ji bo pêşîgirtina li zêdebûna bûyeran hêzên teqwiye şandin herêmê.