Ji bo protestokirina tecrîda li ser Rêberê Gelê Kurd Abdullah Ocalan li Viyanaye ya ku paytexta Avûstûryayê ye, çalakî didomin.

Mîtîng ji aliyê Navenda Civakî ya Kurd a Demokratîk hate lidarxistin û bal hate kişandin ser berxwedana çalakgerên greva birçîbûnê.

BERXWEDAN HATE SILAVKIRIN

Di çalakiyê de belavok hatin belavkirin û pankartên li ser berxwedana grevên birçîbûnê hatin hildan. Di çalakiyê de banga bihisyariyê li raya giştî ya Avûstûryayê û li rêxistinên civakî yên sivîl hate kirin.

Piştî mîtîngê ji bo xwedîlêderketina berxwedana Sûltan Yîgît a ku li lokala komeleyê di greva birçîbûnê de ye, koma Tiyatro Potamiya skêç lîst.