Li Roma ya ku paytexta Îtalyayê ye tecrîda Îmralî hate protestokirin. Çalakî bi pêşengiya Komîteya Kurd hate kirin, endamên Rete Kurdistan, antîkapîtalîstên Sînîstra û Partiya Komunîst beşdarî çalakiyê bûn.

‘DIVÊ FAŞÎZM Û BERXWEDAN WERE DÎTIN’

Di çalakiyê de bêhestiyariya televîzyona Raî hate protesto kirin û hate gotin ku têkildarî greva birçîbûnê û rojiya mirinê dosya radestî televîzyonê hatiye kirin, tevî vê jî bêdeng in. Di çalakiyê de bal hate kişandin ser Erol Aydemîr ê ku li Romayê zêdetirî 2 meh in di greva birçîbûnê de ye.

Di çalakiyê de hate diyarkirin ku divê grevên birçîbûn û rojiya mirinê, êrîşên faşîst ên dewleta Tirk û berxwedana Dayikên Laçikspî were dîtin. Li aliyê din televîzyona Raî hate şermezarkirin.