Kurdên li Qibrisê ji bo xwedî li grevên birçîbûnê ya ku ji meha Mijdarê ve li dijî tecrîd û binpêkirinên mafan ên li zindanan hatî destpêkirin, li Komeleya Çandê ya Teofîlos a bajarê Lîmasolê greva birçîbûnê ya bidorveger dan destpêkirin.

Çalakiya ku bi koma 7 kesî destpê kirî, wê 10 rojan dom bike. Çalakî wê bi du koman dewam bike.

Di çalakiyê de êrîşên dewleta Tirk ên li ser Şengal, Mexmûr, Rojava û Qendîlê jî hatin protestokirin.

Di çalakiya ku bi daxuyaniya çapemeniyekê destpê kir, aktîvîstê Kurd Kamil Akalin axivî û got: “Hetanî ku zext, tecrîd û hewldanên dagirkeriyê yên li girtîgehên Tirkiyê bi dawî dibe wê têkoşîna me dom bike.”