Li paytexta Belçîka li pêşiya Parlamenta Ewropayê (PE) bi pêşengiya NAV-BEL û YJK-B Kurdistaniyan çalakiyek lidarxist û bal kişandin li ser berxwedana grevên birçîbûnê.

Çalakî li qada Lûxembûrgê hate lidarxistin û di çalakiyê de wêneyên Rêberê Gelê Kurd Abdullah Ocalan hate hildan. Di çalakiyê de bal hate kişandin li ser berxwedana Hevseroka KCD û Parlamentera HDP’ê ya Colemêrgê Leyla Guven, li Hewlêrê berxwedana greva birçîbûnê ya Naisr Yagiz û berxwedana grevên birçîbûnê ya li Strasboûrgê.

Di çalakiyê de bêdengiya li dijî berxwedana Leyla Guven ku 145 roj in di grevê de ye, hate protesto kirin û bênavber dirûşmeyên ‘Lîberte poûr Ocalan” û “Em hemû Leyla ne” hate berz kirin.

Di çalakiyê de peyama YJK-B hate xwendin û çalakî bi dirûşmeya ‘Bê Serok jiyan nabe’ bidawî bû.