Kurdistaniyên li Parîsê ji bo protestokirina tecrîdkirina Rêberê Gelê Kurd Abdullah Ocalan û piştgirîdayîna çalakiyên greva birçîbûnê çalakiyek lidarxistin.

Çalakî bi pêşengiya Tevgera Jinên Kurd a Fransayê (TJK-E) li Qada Chatletê hate lidarxistin.

Di çalakiyê de aktivstên TJK-E û Kurdistaniyan wêneyên berxwedêrên greva birçîbûnê hildan û bê navber dirûşmeyên ‘Ji Ocalan re azadî’ û ‘Em hemû Leyla û Nasir in’ berz kirin.

Di çalakiyê de bal hate kişandin li ser rewşa tenduristiya çalakgerên greva birçîbûnê û bang li CPT û Konseya Ewropayê hate kirin, beriya ku şehadet çêbibin bila bi erka xwe rabin.

Di çalakiyê de bi sedan belavokên têkildarî grevên birçîbûnê û tecrîda li ser Ocalan hatin belavkirin û bang li gelê Kurd û dostên wan hate kirin ku berxwedanê geştir bikin.

Çalakî bi dirûşmeya ‘Bê Serok jiyan nabe’ bi dawîbû.