Yek ji damezirînera PKK’ê Sakîne Cansiz, Nûnera KNK’ê ya Parîsê Fîdan Dogan û Endama Tevgera Ciwanan Leyla Şaylemez di salvegera 7’emîn a qetilkirina wan de hatin bibîranîn.

Ji gelek welatên Ewropayê Kurd û dostên wan hatin Parîsê û ji Gare du Nordê ber bi Qada Republiqueyê ve dest bi meşê kirin. Di meşê de wêneyên Sakîne Cansiz, Fîdan Dogan û Leyla Şaylemez û posterên Rêberê Gelê Kurd Abdullah Ocalan hate hildan. Hevserokê KONGRA-GEL Remzî Kartal, Endamê Konseya Rêveber a KNK’ê Zubeyîr Aydar, Hevserokên KCDK-E’yê Yuksel Koç û Fatoş Goksungur jî tevlî meşê bûn.

Di meşê de sloganên ‘Erdoganê qatil’ hate berzkirin û bêdengiya dewleta Fransayê bi tundî hate şermezarkirin. Piştî meşa bi saetekê wê li Qada Repûblîqûeyê mîtîngek were lidarxistin. Tê payîn ku gelek siyasetmedarên Kurd û Fransiz di mîtîngê de biaxivin.