Rojên Çarşem û Şemiyê bi awayekî sîstematîk Kurdistaniyên li bajarê Elmanya Hambûrgê dijîn bi armanca protestokirina tecrîdkirina Rêberê Gelê Kurd Abdullah Ocalan çalakî lidardixin.

Kurdistanî saet 18:00’an li pêşiya HBF’ê li hev civiyan û pankarta “Tecrîda li ser Ocalan bidawî bibe” û wêneyên Hevseroka KCD’ê Leyla Guven û parlamenterên HDP’ê yên di greva birçîbûnê de hildan. Girseya gel bê navber dirûşmeyên ‘Bijî Serok Apo’, ‘Bijî berxwedana grevên birçîbûnê’ û ‘Leyla Guven rûmeta me ye’ berz kirin.

Çalakiya Kurdistaniyan wê roja Şemiyê jî bidome.