Li gorî medya Elman di êrîşa çekdarî de herî kêm 7 kes mirin. Polîsan diyar kirin ku yek ji kesên li cihê bûyerê hatine kuştin êrîşkar e.

Rojnameya Bîldê jî diyar kir ku tevî 7 kesên hatin kuştin 8 kes jî birîndar bûn.

Gelek polîs li cihê bûyerê hatin wezîfedarkirin. Ofîsa Federal a Parastina Sivîl bang li gel kir ku xwe ji cihê bûyerê vegire û mirovên li herêmê ne jî ji mala xwe dernekevi.

Piştî ku dengê çekan hate bihîstin, 9'ê Adarê saet di 21:15'an de agahî ji polîsan re hate dayin.

Berdevkekî polîsan ji NTV re axivî û diyar kir ku ew bi lez ketine hundirê avahiyê û gelek kesên hatine kuştin û gelek birîndar dîtine. Têkildarî motîvasyona êrîşê agahî bi dest neketin.

Şahidên Yehova alîgirên restorasyonê û dijberê teslîsê (baweriya ku Xweda ji sê kesan pêk tê). Mezhebeke Xiristiyaniyê ye ku ji Xiristiyaniya esasî qut bûye.

Şahidên Yehova ku baweriya bingehîn a Xiristiyaniyê û kevneşopiya olî qebûl nakin, tenê wergera Pirtûka Pîroz a bi navê 'Wergera Cîhana Nû' ji xwe re weke bingeha esasî ya baweriya xwe dibînin. Şahidên Yehova ji aliyê gelek medya û komeleyên dijberê hin mezheban weke 'rêxistina ku pirsgirêka xwe bi mezhebê re heye' tê sûcdarkirin.