Li Şirnexê ketina 13 herêman hate qedexekirin: Birîna daran dewam dike
Li Şirnexê birîna daran bû sedema nerazîbûnan. Li gel vê yekê çiyayên Gabar û Cûdî jî di nav de 13 herêm ji aliyê walîtiyê ve hatin qedexekirin.
Gelek herêmên li navenda Şirnexê û navçeyên wê Cizîr, Basa, Silopiya, Qileban û Elkê weke “herêmên ewlehiya taybet” hatin ragihandin. Walîtiyê di daxuyaniya xwe de got ku dê qedexe ji 12’ê Gulanê heta 26’ê Gulanê bidome.
Herêmên hatine qedexekirin ev in: “Herêma Bestayê, çiyayên Cûdî, Gabar, Kela Memê, Kurt, Berê Derya, Mehrî, Textêreş, Kato Jîrka, Kato Marunîs, herêma Dulê û Suhurpaşalayla.”
