NURNBERG

Êrîşên dewleta Tirk a dagirker li Nurnbergê bi mîtîngekê hate protestokirin. Bi sedan kes li pêşiya dêra Lorenzê hatin ba hev û ber bi Konsolosxaneya Tirkiyeyê ve meşiyan. Di meşê de sloganên ‘Erdoganê terorîst’ û ‘Bijî berxwedana Rojava’ hate berzkirin.

KOLN

Li bajarê Kolnê jî êrîşên dagirker ên dewleta Tirk hate protestokirin. Di çalakiya protestoyê de kon hatibû vegirtin û xebata agahdarkirinê dihat kirin.

DUSSELDORF

Li bajarê Dusseldorfê yê Elmanyayê komek ciwanên Elman û Kurd ji bo protestokirina dewleta Tirk pêşandanek kirin.

ULM

Li bajarê Ulmê yê Elmanyayê jî dewleta Tirk hate şermezarkirin. Bi sedan kes li navenda bajêr meşiyan û dagirkeriya li ser Rojava protesto kirin.

BREMEN

Li eyaleta Bremenê jî bi pêşengiya Komîteya Parastina Rojava bi sedan Kurdistanî û dostên wan kom bûn û êrîşên dewleta Tirk şermezar kirin.