Li Ewropayê peyama ‘Rojava ne bi tenê ye’
Li gelek bajarên Ewropayê li dijî êrîşên dagirkeriyê Kurdistanî û dostên wan daketin qadan û peyama “Rojava ne bi tenê ye” dan.
Li gelek bajarên Ewropayê li dijî êrîşên dagirkeriyê Kurdistanî û dostên wan daketin qadan û peyama “Rojava ne bi tenê ye” dan.
Li paytexta Elmanya Berlînê li pêşiya Parlamentoya Federal êrîşên dagirkeriyê yên dewleta Tirk ên li ser Bakur û Rojhilatê Sûriyeyê hate protesto kirin.
Di çalakiyê de ji Başûrê Kurdistanê siyasetmedar Mihemed EmÎn Pencewînî axivî û wiha got; “Ez şervanên QSD’ê ku li Rojava bi qehremanî şer dike pîroz dikim.” Pencewînî berxwedêrên li Ewropa û çar parçeyên cîhanê silav kir û wiha got; “Ev çalakî jî gelek girîng in. Bi çalakiyan em ê layiqî wan şervanan bin û weke gel serbikevin. Bila gumanên tu kesê nebe.”
JI ENTERNASYONALÎSTAN ÇALAKÎ
Heman saetê enternasnoyalîstên Elman li Oranien Platz a Kreuzbergê jî mîtîngek lidarxist. Kurdistanî û dostên wan li pêşiya parlamentoyê meşiyan û piştî meşa 5 kîlometreeyan li Oranien Platzê bi şoreşgerên enternasyolîst re civiyan.
Piştî axaftinan girseya gel ku ji 5 hezar kesan pêk dihat meşiyan. Meş li navçeya Kreuzberg û Kottbuser Torê bidawî b3u.
DUSSELDORF
Li Dusseldorfê li pêşiya HBF’ê 2500 kes li hev civiyan û dirûşmeyên “Terorîst Erodgan”, “Faşîst Erdogan”, “Bijî Rojava”, “Bijî Kuristan” û “Bijî YPG, YPJ” berz kirin.
Li vir hunermend Cevat Mervanî û parlamentera berê ya HDP’ê Besîme Konca axivîn û wiha hate gotin; “Ji niha û pêve Kurd wê ji bo xwe şer bikin. Bi ruhê jina azad gelê Kurd ew ê di vî şerî de jî serbikeve.”
Piştî axaftinan gel meşiyan. Girseya gel ji HBF’ê heta konsolosxaneya DYE meşiyan û bi dirûşmeyan meşa xwe bidawî kirin.
BRAUNSCHWEIG
Li Braunscheîgê jî bi çalakiyekê dagirkeriya Tirk hate protestokirin. Çalakî bi rêzgirtinê destpê kir û bi axaftinan dewam kir. Piştre gel meşiyan û meş li pêşiya Qesra Arkaden bidawî bû.
ERFURT
Li bajarê Erfut yê Elmanyayê jî b meşeke girseyî dewleta Tirk hate protestokirin. Di çalakiyê de peyama “Rojava ne bi tenê ye” hate dayîn û bang li dewletên Ewropa hate kirin ku demildest firotina çekan a ji bo Tirkiyeyê rawestinein.
KOLN
Li Kolnê komeke Kurd û ciwanên Elman li Zanîngeha Kolnê Serokê Meclîsa Federal a Elman Wolfgang Schauble protesto kirin.
MANNHEIM
Li Mannehîmê jî li pêşiya HBF’ê KurdistanÎ û dostên wan dagirkeriya Tirk bi çalakiyekê protesto kirin. Çalakî li ser banga NCDK’ê bi beşdarbûna hezar kesî pêk hat. Di çalakiyê de peyama MLPD, Die Linke û Ciwanên Sosyalîst hate xwendin.
Pêkhateyên Yekîtya Hêz a Demokratîk jî beşdarî çalakiyê bûn û parlamenterê berê yê HDP’ê Faysal Sariyildiz jî di çalakiyê de axivî.
Çalakî bi dirûşmeyan bidawî bû.
AMSTERDAM
Kurdistanî û dostên wan ên li Hollandayê dijîn li baregeha Shîppol çalakiya bêîteatiya sivîl lidarxist û dagirkeriya dewleta Tirk protesto kirin.
Çalakî saetekê dom kir û bi dirûşmeyan bidawî bû.
MÎLANO
Li bajarê Mîlono yê Îtalyayê jî li pêşiya konsolosxaneya Tirk çalakî hate kirin. Di çalakiyê de êrîşên dagirkeriyê yên li ser Bakur û Rojhilatê Sûriyeyê hate şermezar kirin.
Çalakgeran li ser rêya li pêşiya konsolosxaneyê nivîsa “Kujer Erdogan” nivîsandin û çalakiya xwe bidawî kirin.
VÄSTERÅS
Li bajarê Vasteras yê Swêdê jî Kurdistaniyên ji çar parçeyên Kurdistanî li qada navenda bajêr li hev civiyan û êrîşên dagirkeriyê yên li ser Bakur û Rojhilatê Sûriyeyê protesto kirin.
Nêzî 2 hezar kes beşdarî çalakiyê bûn û dirûşmeyên “Bijî YPG/YPJ”, “Bijî Berxwedana Rojava”, “Dewleta Tirk ji Rojava bicehime” û “Kujer faşîst Erdogan” berz kirin.
Li aliyê din li NCDK Vasteras Kurdistanî li hec civiyan û Platforma Piştevaniya bi Rojava ya Vasteras ava kirin. li aliyê din li dijî dagirkeriyê bê dem biryara çalakiyan hate dayîn.
Komîteya hatî avakirin ew ê bernameya çalakiyan bi raya giştî re piştre parve bike.
DRESDEN
DORTMUND
BONN
CHEMNITZ
TRIER
ARNHEM
LONDRA
NANTES