Li Berlînê li pêşiya Konsolosxaneya Iraqê çalakiya ji bo Şengalê
Li Berlînê ya ku paytexta Elmanyayê ye li pêşiya Konsolosxaneya Iraqê ji bo Şengalê çalakiyeke protestoyê hate lidarxistin.
Bi banga NAV-YEK û Meclîsa Jinan a Êzidî çalakî li pêşiya Konsolosxaneya Iraqê hate kirin.
Girse li pêşiya konsolosxaneyê kom bû û peymana li ser Şengalê ya di navbera Bexda û Hewlêrê de protesto kir.
Çalakgeran diyar kirin ku divê peymana li ser Şengalê were betalkirin. Çalakgeran bal kişandin ser vî tiştî ku hêzên Asayîşa Şengalê hêza parastinê ya rewa ye û ew ê nehêlin ku qirkirineke din pêk were.
