Berxwedana 14 endamên Însyatîfa Azadî ji Ocalan re ên piştî çalakiya greva birçîbûnê ya bi pêşengtiya Hevseroka KCD’ê Leyla Guven a li dijî tecrîda li ser Ocalan hatibû destpêkirin, 7’ê Kanûna 2018’an destpê kir.

ARMANC: TECRÎDÊ BIŞKÎNIN, FAŞÎZMÊ HILWEŞÎNIN Û KURDISTANÊ AZAD BIKIN

Bi destpêkirina rojiya mirinê ya 30’ê Nîsanê re berxwedêrên Strasboûrgê jî bi biryardartir berxwedanê pêşwazî dikin. Tevî rewşa xirab a berxwedêrên Strasboûrgê ya bi sirûda ‘Tecrîdê bişkînin, faşîzmê hilweşînin û Kurdistanê azad bikin weke roja yekem bi biryardarî didomînin.

REWŞA ÇALAKVAN BI METIRSÎDAR IN

Berxwedêrên 157 roj in di greva bêdawî û bêdorveger de ne, hinek çalakvanan 20 û heta 30 kêlo li xwe kêm kirine. Di sîstemên helandin û sinirê de texrîbatên mezin peyda bûne. Dîsa ji ber pirsgirêkên di organan de derketine rê li ber metirsiyên mezin vekirine. Dr. Fahrettîn Gulşen bang li raya giştî û otorîteriya tenduristiyê kiribû ku bê ku encamên xirab derbikevin daxwaza çareseriya pirsgirkê kiribû.

‘HER KU BEDEN DIHELIN, MORAL Û BIRYARDARÎ XURTIR DIBIN’

Li gorî agahiyên yek ji rayedarên Komîteya Amadekariyê ya li Strasobûrgê da, çalakvan tevahiya rojê li ser textê xwe ne, lê moral û coşa wan xurt e. Rêveber anî ziman û got: “Her roja diçe vîna wan xurtir dibe. Her roja ku bedena wan bihele jî, moral û biryardariya wan xurtir dibe.”

Endamê Komîteya Amadekariyê ragihand ku armanca çalakvanan bidawîkirina tecrîdê ye, ji bo rakirina tecrîda li ser Ocalan bal kişand ser çalakiyên gel û got: “Her çendî çalakiyên gel xurt bin, hê zêdetir bandorê li saziyên berpirs ên Ewropî dike.”

SERDANÊN JI BO BERXWEDÊRAN

Ji roja yekem a çalakiyê û vir ve serdanên ji bo berxwedêran bê navber jî didome. Ji parlementerên Ewropî bigire heta senetor, lîderên partiyên nûnertiya parlementoya neteweyî dike, rêveberên herêmî û xwecihî û nûnerên gelek saziyên civaka sivîl serdana çalakvanan kirine. Herî dawî Serokê Yekîtiya Demokratên Serbixwe û endamê Meclîsa Neteweyî Jean-Chrîstophe Lagarde serdana berxwedêran kiribû.