Meclîsên civakên Demokratîk ên Kurdistanê yên Hollanda (DEMNED) daxuyaniyek da û got; “Em bi rêxistinbûna xwe destekê didin pêngava ‘Ji Tecrîd, Faşîzim û Dagirkeriyê re Bes e; Dem Dema Azadiyê Ye’.”

DEMNED’ê li dijî tecrîda li ser Rêberê Gelê Kurd Abdullah Ocalan peyama mezinkirina berxwedanê da û got: “Dewleta Tirk êrîşên qirkirinê li Bakurê Kurdisanê gihande asta lûtkeyê û li Başûr û Rojavayê Kurdistanê jî di serî de DAÎŞ û komên çete yên dermirovî û xiyanetkar girtine gel xwe û ketine nava hewldanên dagirkeriyê”

DEMNED’ê bang li gel kir û got: “Bi xurtî tevlî çalakiyên bê navber ên ku wê di navberê 1-15’ê Sibatê de bên lidarxistin bibin.

Serlêdanên xurt ji bo çalakiya Pirtûkxaneya Rêbertî ya ku wê 13’ê Sibatê li Den Haag, 14’ê Sibatê li Amsterdam û 15’ê Sibatê jî li arnhemê bi otobusê bê gerîn bibin.

Divê tu Kurdek û dostê Kurdan nemînin ku îmzeya xwe li binê kampanya ‘100 sedem ji bo darezandina dîktator’ ku ji aliyê Tevgera Jinên Kurd ên Ewropa (TJK-E) ve hatiye destpêkirin nemîne.

Divê ji bo gihiştina encamê ya kampnaya îmzeyak ji wê ji bo Sekreteriya Giştî ya Neteweyên Yekbûyî bê şandin, bikeve nava hewldanan.”