Şervanê YPG'ê Omer li Hambûrgê hate bîranîn
Ji bo şervanê YPG Waîl Omer (Zinar Botan), li Hamburgê bi tevlîbûna malbata wî merasîmek a bîranînê hate lidarxistin.
Ji bo şervanê YPG Waîl Omer (Zinar Botan), li Hamburgê bi tevlîbûna malbata wî merasîmek a bîranînê hate lidarxistin.
Ji bo bîranîna şervanê YPG Waîl Omer (Zinar Botan) ku li Rojava şehîd bû, li Hambûrgê merasîmek hate lidarxistin. Navenda Civaka Kurd a Demokratîk, malbat û gelek Kurdistanî tevlî merasîmê bûn.
Melayê Mizgefta Şêx Seîd a li Hambûrgê di merasîmê de axivî û tekez kir ku hemû şervanên li dijî zulmê têkoşiyane, şehîd in û got: "Eger ku serê me bilind e ew bi saya serê wan e."
Xalê Waîl Omer Xelîl Omer diyar kir ku xwarziyê wî bi dirêjahiya 8 salan ji bo rûmet û azadiya welatê xwe têkoşiya ye.
Siyasetmedarê Kurd Şervan Çewlîk jî got: "Em li ku dijîn bila bijîn, pêwîste em girêdayî şehîdên xwe û bîranînê wan bimînin."