Di 16’ê Adara sala 1988’an de rejîma Baasê ya Iraqê li Helebceyê bi gazên kîmyewî bombebaran kir. Di komkujiyê de zarok, jin kal û ciwan jî nav de zêdetirî 5 hezar kesên hatin qetilkirin, bi hezaran kes jî birîndar û winda bûn. Kesên di komkujiyê de hatin qetilkirin, di salvegera 37’emîn a komkujiyê de li paytexta Elmanya Berlînê hatin bibîranîn.

Bîranîn bi rêzgirtina ji bo şehîdan dest pê kir. Piştre daxuyanî hat xwendin. Di daxuyaniyê de wiha hate gotin: “Di 16’ê Adara sala 1988’an de di çarçoveya êrîşên berfireh yên li dijî Kurdan de rejîma Baasê ya Iraqê bi gazên kîmeyewî Helebce bombebaran kir. Di komkujiyê de zarok, jin kal û ciwan jî nav de zêdetirî 5 hezar kesên hatin qetilkirin, bi hezaran kes jî birîndar û winda bûn. Li gel ku bi ser êrîşa li ser Helebce û Şarezur de 37 sal derbas bûn jî hîna jî bandora wê tê jiyîn.

Komkujiya Helebce divê weke qirkirinê bê naskirin û tezmînet ji bo mexdûrên komkujiyê re bê dayîn. Divê ji herêma Helebceyê re alîkariya mirovî bê kirin û gundên li Rojava, Bakur û Başûrê Kurdistanê yên hatine xirabkirin ji nûve bên avakirin. Divê hemû kesên di pêşxistina çekên kîmyewî yên Saddam Huseyîn de cih girtine bê darizandin. Divê êrîşên Tirkiye, Sûriyeye û Îranê yên li ser Kurdistanê bên şermezarkirin.”