Kurdistaniyên li peytexta Rûsyayê Moskowayê, bi boneya 46’emîn salvegera damezrandina Partiya Karkerên Kurdistanê şahiyek lidar xistin. Şahî li Mala Çandê ya Mîr hate lidarxistin. Nûnerên partiyên siyasî, rêxistinên jinan û bi sedan Kurdistanî û dostê wan beşdarî şahiyê bûn.

Şahî bi deqeyeke bîranîna şehîdên rêya azadiyê destpê kir û piştre nûnerê Bakur û Rojhilatê Sûriyeyê yê li Rûsyayê Reşad Bênav, endama Organîzasyona Jinên Kurd a Navneteweyî Guhar Hesen û Araf Ezmanî axivîn û behsa wate û girîngiya vê rojê kirin.

Piştî axaftinan şahiyê dest pê kir û Dengbêj Hemîdê Mejîd, Hunermend Delîl Lezgiyev û Stranbêj Leyla Mikoyan derketin ser dikê. Her wiha Koma govenda Kurdî ya bi navê  ‘Rûken’ û Koma reqsa Yewnanî ya bi navê ‘Philoxenia’ bi hev re berhemeke koreografiyê pêşkêş kirin. 

Şahiyê heya derengiya şevê dewam kir.