Şêniyên Qendîlê bi hatina biharê re li zozanan kon vedan. Tevî bomberdûmana dewleta Tirk a bi balafirên şer jî gelê Qendîlê berê xwe da zozanan û xwedî li cih û warê xwe derdikeve. Welatiyên ku ji ber sedemên aborî zivistanê diçin Silêmanî, Ranya û Kerkûkê ji bo kar, bi hatina biharê re berê xwe didin çiyayê Qendîlê. Welatî dibêjin ew hînî jiyana li bajêr nabin û bi rengekî komun li zozanan dijîn.

DENGÊ STRANÊN BERXWEDANÊ JI KONAN TÊ

Li zozanan erk û berpirsyariya jinan zêde ye. Jinên ku ber destê sibehê hişyar dibin, bi hev re pez didoşin û diçêrînin. Nava rojê jî karên rojane dikin û bi şîr û mast debara xwe dikin.

Danê êvarê jî jin li hev dicivin û sohbetê dikin. Qala zext û zordariya li Kurdan têne kirin dikin. Dengê stranên berxwedanê timî ji konan tê. Û bi vî rengî rojeke nû dest pê dike.