Bi wesîleya Cejna Qurbanê şêniyên wargeha Şehîd Rustem Cûdî (Mexmûr) danê sibehê çûn serdana goristanê. Welatiyan dua li ser miriyên xwe xwendin û piştre li Saziya Malbatên Şehîdan li hev civiyan. Bi wesîleya cejnê Hevserokê Meclîsa Gel Huseyîn Kara axivî.

Kara cejn li gelê wargehê pîroz kir û got, "Em di serî de cejnê li Rêberê xwe, şehîdên şoreşê, şervanên azadiyê û girtiyên azadiyê piroz dikin. Cejn roja xweşî, hevkarî, alîkarî, hezkirin û aştiyê ye. Cejn roja bi dawîanîna li mirin û kuştinê ye."

Kara bi dewamî got, "Gelê Kurd dilsozê xaka xwe ye. Lê mixabin em li ser xaka xwe cejnê bi kêf û xweşî pîroz nakin. Her tim bi xemgînî pîroz dikin. Sedema vê jî dijminên xwînmij, dagirkerên zordest in. Cihê vê zilmê di Îslamiyetê de nîne. Dewleta Tirk a dagirker Îslametiyê bi rengekî çewt bi kar tîne. Li ser gelên mazlûm dagirkeriya xwe ferz dike."

Hevserokê Meclîsa Gel a Wargeha Mexmûrê Huseyîn Kara di dawiya axaftina xwe de got, "Em hêvîdar in ev cejn bibe cejna aştî û wekheviyê."

Şêniyên wargehê piştre dirûşmên "Bijî Serok Apo", "Bê Serok jiyan nabe" qîriyan û cejna hev pîroz kirin.