Çeteyên DAÎŞ'ê êrîşî hêzên Şamê kirin: 3 leşker mirin
Navenda Çavdêriya Mafên Mirovan a Sûriyeyê (SOHR) ragihand ku çeteyên DAÎŞ’ê li çolistana Sûriyeyê êrîşî hêzên hikumeta Şamê kirin û 3 leşker hatine kuştin.
Li gorî Navenda Çavdêriyê, çeteyên DAÎŞ'ê li rojhilatê parêzgeha Humsê "êrîşî herêmeke ku hêzên rejîmê lê bicih bûne" kirin. SOHR'ê got, “Efserek û 2 leşker hatin kuştin."
Di 3’yê Gulanê de çeteyên DAÎŞ'ê li rojhilatê parêzgeha Humsê êrîşî hêzên rejîma Şamê kiribûn û 15 çekdarên hêzên alîgirên Şamê hatibûn kuştin.
