Peymana Brexîtê nehate qebûlkirin

Peymana derketina Îngilîstanê ji nava Yekîtiya Ewropayê (Brexît) li parlamenta Îngilîstanê di dengdanê de hate redkirin.

Peymana ku di navbera Serokwezîra Îngilîstanê Theresa May û Yekîtiya Ewropayê de hate amadekirin, doh li parlamenta Îngilîstanê pêşkêşî dengdanê hate kirin. 202 parlamenteran dengê 'erê', 432 parlamenteran jî dengê 'na' dan û bi vî rengî peyman hate redkirin.

Kamara Avamê beriya niha li ser hikumetê ferz kiribû ku eger peyman neyê qebûlkirin divê di nava sê rojan de plana xwe ya B eşkere bike.