Li gorî nûçeya Ajansa Nûçeyan a hikumeta Şamê SANA'yê, Thomas Barrack ku di heman demê de Sefîrê Bilind ê Dewletên Yekbûyî yên Emerîkayê (DYE) yê li Tirkiyeyê ye, bi Wezîrê Karên Derve yê Şamê Esad al-Şeybani re li Şamê avahiya Sefaretxaneya Bilind a DYE'yê vekir.

Sefaretxaneya Bilind a DYE'yê ya li Sûryeyê sala 2011'an piştî ku şerê navxweyî destpê kir, hatibû girtin.

Nûnerê taybet ê Donald Trump ê ji bo Sûriyeyê, piştî ku pêkanînên DYE'yê yên li ser Şamê hatin rakirin di 24'ê Gulanê de li Stenbolê bi serokkomarê demkî yê Sûriyeyê Ahmed el-Şara re hevdîtin kiribû.

Ev hevdîtin piştî hevdîtina Donald Trump a bi Ahmed el Şara re ya li Riyadê pêk hatibû.

Serokê DYE'yê roja Pêncşemê li ser hesabê X'ê yê Wezareta Karên Derve daxuyaniyek da û got, "Tom fêhm dike ku bi hevkariya bi Sûriyeyê re dikare radîkalîzmê rawestîne, têkiliyan baş bike û ji bo pêkanîna aştiya li Rojhilata Navîn potansiyeleke mezin e."