Nobeta Demokrasiyê li Dêrikê domiya
Li hemberî desteserkirina sê şaredariyên HDP’ê Nobeta Demokrasiyê ya ku li Mêrdînê hatibû destpêkirin li Dêrikê domiya.
Li hemberî desteserkirina sê şaredariyên HDP’ê Nobeta Demokrasiyê ya ku li Mêrdînê hatibû destpêkirin li Dêrikê domiya.
Li hemberî desteserkirina şaredariyên HDPê yên Amed, Wan û Mêrdînê Nobeta Demokrasiyê ya ku li Mêrdînê hatibû destpêkirin li Dêrikê domiya.
Beriya çalakiyê Hevseroka Bajêr a HDP’ê Eylem Amak bangî tevlêbûna rûniştina doza Hevseroka Giştî ya HDP’ê Fîgen Yuksekdag kir û got “Ev peyamek e ku wê çavê şoreşger û mûxalifan bitirsînin. Bersiva me ya li hemberî vî tiştî jî geşkirina têkoşînê ye.”
Parlementerê HDP’ê yê Amedê Îmam Taşçier jî diyar kir ku “3 sal berê jî qeyyûm hatibû peywirdarkirin û niha jî ev peywirdarkirin didome. Beriya qeyyûman deynê şaredariyan tunebû lê niha ev şaredarî di bin deynan de hatine hiştin. Lê helwesta demokratîk û israra aştiyê ya HDP’ê didome. HDP dikare li ser vê axê aştiyê ava bike. Em van qeyyûman jî red dikin û em ê heta dawiyê li hemberî wan têbikoşin.”
Daxuyanî bi sloganên ‘Jin, jiyan, azadî’ û ‘Zext nikarin bi me’ bi dawî bû.