Volker Turk ê Endamê Mafên Mirovan ê Neteweyên Yekbûyî daxuyaniyek da û got: "Di bûyerên polîsiyeyî de bikaranîna taktîk û çekên leşkerî, bikaranîna hêza zêde û qedexeyên kêfî ku bandoreke zêde li Fîlîstîniyan dike, gelekî metirsîdar in."

Li gorî Rêveberiya Fîlîstînê ji 7’ê Cotmehê ku destpêka şerê Îsraîl û Hemasê ye heya niha li Şerîeya Rojava  zêdetirî 300 sivîlên Filistînî ji aliyê leşker û niştecihên Îsraîlî ve hatine kuştin.

RÊXISTINA TENDURISTIYÊ YA CÎHANÊ: GELÊ XEZEYÊ DI BIN TELÛKEYEKE MEZIN DE YE

Bombebarana Îsraîlê ya li ser Şerîda Xezeyê bênavber dewam dike. Rêxistina Tenduristiyê ya Cîhanê (WHO) roja Çarşemê daxuyaniyek da û anî ziman ku gelê Xezeyê di bin talûkeyeke mezin de ye û diyar kir ku li herêmên ku lê şer berdewam e ‘birçîbûn û bêhêvîtî’ her ku diçe zêdetir dibe.

Zêdetirî du meh û nîv bi ser destpêkirina şer derbas bûn.

JI 21 HEZARÎ ZÊDETIR KES HATINE KUŞTIN

Wezareta Tenduristiyê ya Hamasê roja Çarşemê di daxuyaniyeke xwe de ragihand ku li Xezeyê 6 hezar û 300 jin û 8 hezar û 800 zarok, bi giştî 21 hezar û 110 kes ku piranî ji sivîlan pêk tê, di operasyonên leşkerî yên Îsraîlê de hatine kuştin.