Pêşnûme, ji bilî Partiya Denk ku parlamenterên Tirk endamê wê ne, hemû partiyên li Meclîs ev pêşnûme qebûl kirin. Partiyên Hollandayê bi vê pêşnûmeyê re li ber girtin û darizandina HDP'yiyan rabûn.

Pêşnûme ji aliyê endama Partiya Sosyalîst (SP) Sadet Karabûlût ve hat amadekirin. Ji bilî Denk, ku 2 parlamenterên Tirk ên alîgirê AKP'ê di nav de ne, hemû partiyên din destek dan pêşnûmeyê.

Di pêşnûmeyê de hat ragihandin, girtina parlamenterên hatine hilbijartin, pêşî li bicihanîna wezîfeyên demokratîk digire û rêbazên hikumeta AKP'ê hat şermezarkirin. Di pêşnûmeyê de ji hikumeta Hollandayê hat xwestin, ku ji bo berdana parlamenterên HDP'yî li nava Yekîtiya Ewropayê bikeve nava hewldanan.