Ji Adara 2015'an dema destpêkirina destwerdana Koalîsyona Ereb û vir ve, ev welat ji xwe dorpêçkirî ye. Koalîsyon, şandina çekan a Îranê bi rengekî qaçax ji Hûsiyan re, weke hincet ji vê dorpêçiyê re nîşan dide.

Rihad her wiha Îranê ji avêtina fuzeyê berpirsyar dibîne. Û gef xwar ku di dema guncaw de wê bersivê bide.

Yemen veguherî herêmeke ku Îran û Erebîstana Siûdî ji bo bandora xwe lê zêde bike, têdikoşin. Her du welat ne tenê li Yemenê, di krîzên herêmî yên weke Sûriye, Bahreyn û Lubnanê de jî li dijî hev in. Ev hevrikî bû sedem ku gelê Yemenê dîl bê girtin. Li Yemenê, ji sala 2015'an û vir ve zêdeyî 10 hezar kesî jiyana xwe ji dest dan û 60 hezar kes jî birîndar bûn.

Sûcên şer û yên li dijî mirovahiyê hatin kirin. Desthilatdarên rojavayî ya bêdeng in, ya jî hevkarê vî sûcî ne. Binesaziya vî welatî derbeke giran xwariye. Nexweşxane û dibistan hatin hliweşandin. Kesek hesab nade, kesek hesab napirse.

Ji Şerê Duyemîn ê Cîhanê û vir ve li vê herêmê krîza herî giran a însanî rû daye. Xizanî û birçîbûn roj bi roj zêde dibe. Nexweşiyên şewbê jî der dibin.

Zêdeyî 2 hezar kes ji ber şewba kolerayê jiyana xwe ji dest dan. Tê texmînkirin ku heta dawiya salê mîlyonek kes bi kolera bikevin.