Di bibîranîna li Parîsê de di şexsê  Nûrten Kiliçarslan (Hêlîn Mûrat), Nalîn Dîpo (Hanimşah Bagci), Yekta Varli (Ekîn Denîz Firat) û Ozkan Altûn (Baz) de şehîdên meha Gulanê hatin bibîranîn.

Çalakiya bibîranînê di saet 14.00’an de li lokala Navenda Civakî ya Kurd a Demokratîk a Parîsê bi rêzgirtina ji bo şehîdên şoreşê hate destpêkirin.

Di bibîranînê de Endamê Komîteya Malbatên Şehîdan Celîl Akdogan û nûnera Tevgera Jinên Kurd a Fransayê Zozan Serhat axivîn. Di axaftinan de hat gotin ku, “Di meha Gulanê de em hemû şehîdên têkoşîna azadiyê ya Kurdan bi bîr tînin. Di encama têkoşîna bêhempa ya şehîdên me de, tevgera azadiyê ya Kurd îro xurttir e û gelê Kurd bêtir nêzikî azadiyê ye.

Em ê jî li ser şopa şehîdên xwe têkoşîna xwe geştir bikin û bi Kurdistana Azad û Rêbertiya Azad em ê bigihêjin serfiraziyê.”

Bibîranîna piştî nîşandana sînevîzyonê bi sloganên “Şehîd Namirin” bi dawî bû.