Serokê dewleta sosyalîst Danîel Ortega xwest di serî de teqawidî û gelek herêmên ewlehiya civakî jî nav de reforman çêbike, lê li dijî van reforman di meha Nîsanê de xwepêşandan hatibûn lidarxistin û xwepêşandananan de şerê çekdarî hatibû jiyîn.

Li gorî bîlançoya ji aliyê Komîsyona Mfê Mirovan a Navbera Welatan ya Amerîkayê (CIDH) ve hatî weşandin, di şerê di xwepêşandan yên heta 19’ê Hezîranê de heta niha 212 kesan jiyana xwe ji dest dane. Di çalakiyan de hezar û 337 kes jî birîndar bûne.

Li gorî daneyên CIDH’ê heta 6’ê Hezîranê zêdetirî 500 kes di girtîgehan de ne.

CIDH rapora Rêxsitina Dewletên Amerîka (OEA) nîşan da û ragihand ku dewlet  ji bo astengkirina beşdarbûna çalakiyan û ji bo tepisandina muxalefetê şidetê bikartîne û bang li hikûmeta NÎkaragûayê kir ku çareseriyeke  di nava destûra bingehîn, demokratîk û aştiyane de pêk bîne.

Li welatê Amerîka Navîn Nîkaragûayê, xwepêşandanên protestoyî 18'ê Nîsanê bi nerazîbûna xwendekaran a li reforma teqawîtiyê dest pê kir. Piştre pêl bi pêl belav bû û veguherî çalakiyên protestoyî yên girseyî. Beşek ji civakê destnîşan dike ku Ortega desthilatdarî 'desteser' kiriye û şert û mercên giran ên jiyanê protesto dikin. Ortega ku berê gerîla bû, piştî ku ji sala 1979'an heta 1990'î welat bi rê ve dibir, sala 2007'an ji nû ve bû desthilatdar.