Êrîş li bajarokê Kajûrû pêk hatibû. Waliyê Eyaleta Kadûnayê Nasir El Rûfaî da zanîn ku hejmara kesên di êrîşê de mirine gihaştye 130'î û got, dibe ku êrîş ji ber sedemeke etnîkî pêk hatibe. 

Şefê polîsan ê eyaleta Kadûnayê Ehmed Evdulrehman ragihand ku piştî êrîşê 11 kes hatine destgîrkirin. 

Walî Rûfaî got, "Hikumet, ji giregirên civakî, lîderên olî û kevneşopî dixwaze ku ji kirinên tolhildanê dûr bisekinin û bawerî li hêzên ewlehiyê û dadweriyê bînin."

Li Eyaleta Kadûnayê bi dehan caran êrîşên çekdarî pêk hatine. Li herêmê nexasim di navbera çeteyên sewalkariyê dikin û komên baweriyê yên hişkeber de ev bûyer diqewimin. 

Seranserê sala 2018'an li eyaletên Zamfara, Kadûna û Katsina şer û gengeşî qewimîn.