Êrîş li gundê Mûshû yê eyaleta Plateaûyê hate kirin ku çend sal in rageşiyeke entîkî û olî lê heye.

Li gorî rayedarekî leşkerî, çekdaran roja Yekşemê êrîş birin ser gundekî li herêma navîn a Nîjeryayê. Di êrîşê de herî kêm 16 kes hatin kuştin.

Rayedarê leşkerî Oya James ji AFP'ê re axivî û got, "Piştî bûyerê serhildanek çêbû, lê belê rewş hate kontrolkirin."

Hate ragihandin ku dema gundî di xew de bûn êrîş hatiye kirin û hin ji gundiyan tevî ku xwe veşartin jî hatin kuştin.

Waliyê eyaletê Caleb Mûtfwang êrîş şermezar kir û weke bûyereke "Hovane, bêrehm û neheq" pênase kir.

Berdevkê walîtiyê Gyang Bere got, "Ji bo astengkirina van êrîşên li ser mirovên bêguneh, hikumet wê tedbîrên proaktîf werbigire."

Li herêmên bakrurojava û navîn ên Nîjeryayê, komên Îslamî û komên weke 'eşqiya' têne pênasekirin ji bo talanê êrîşî gundan dikin.