Li bajarê Îskenderiye yê Misrê, goreke ji serdema Qraliyeta Ptoleme hate dîtin.

Wezareta Antîkîte ya Misrê bi daxuyaniyekê ragihand ku gor bi 265 santîmetre dirêj, 165 santîmetre fireh û 185 santîmetre jî bilind e.

Nehate tespîtkirin bê gor tam di kîjan salê de hatiye çêkirin, lê ji serdema Qraliyeta Ptoleme maye ku dema navbera salên 323 û 30 beriya zayînê serdest bû.

Cudahiya vê gorê ji yên din ew e, ku piraniya gorên ji serdema destpêkê mayî hatine vekirin û xerakirin. Lê ev gor nehatiye vekirin. Her wiha peykerekî biçûk jî di nava gorê de hate dîtin ku tê texmînkirin ê kesê di gorê de hatiye veşartin e.

Ji ber ku li ser gor ti nivîs nîne, ji bo fêhmkirina gorê karekî zêdetir divê.