Li gorî daneyê ji aliyê Otorîteya Xizmetê ji bo Bê Malên li Los Angelesê ve hatin weşandin, li 88 cihên vî bajarî her şev bi giştî 57 hezar û 794 kes li derve, li naverastê radizên.

Li vî bajarê herî qelebalix ê DYA, hejmara bê malan di sala 2016'an de 46 hezar û 874 bû.

Sermijariya bê malan her sal di destpêka meha Çileyê de 3 şevan tê kirin. Rayedarên federal jî her du salan carekê vê serjimariyê dikin.

Şaredarê Los Angelesê Erîc Garcettî got, "Rêbazeke ku vê agahiya nebaş ji holê rake, nîne. Nepêkan e ku mirov rastiya di vê hejmarê de qebûl bikin."

Li gorî şaredar, ev krîza kronîk bi giranî ji ber bihabûna xaniyan û jiyanê ye.

Garcettî got, "Em nikarin destûrê bidin ku kirê bi du qatan bê zêdekirin" û diyar kir, hejmara şervanên berê yên bê mal man e, zêde bûye.

Li gorî Otorîteya Xizmetê ya ji bo Bê Malan a Los Angelesê, hejmara şervanên berê yên bê mal ên li vî bajarî 57 ji sedî zêde bûye û gihîştiye 4 hezar û 828 kesî.