Li paytexta Kuba Havanayê, roja Pêncşemê ji bo Fîlîstînê xwepêşandaneke mezin hate lidarxistin. Wezareta Karên Hundir li ser X'ê daxuyaniyek da û diyar kir ku zêdeyî 100 hezar kes tevlî mîtîngê bûn.
Serokdewletê Kubayê Mîgûel Dîaz-Canel pêşengî ji mîtîngê re kir û hevjîna wî Lîs Cûesta û Serokwezîr Manûel Marrero jî tevlî bûn.
Mîtînga ku Mîgûel Dîaz-Canel li refên pêş bû bi banga Ciwanên Komunîst hate lidarxistin.
Çalakî li kolana Maleconê hate lidarxistin ku Sefaretxaneya Bilind a Dewletên Yekbûyî yên Emerîkayê (DYE) lê ye û ciwanan bi çefiyên reş û spî bal kişandin.
Xwepêşandêran nêzî saetekê alên Fîlîstînê hildan û pankartên "Fîlîstîn a azad", "Na ji Qirkirinê re", "Bijî Fîlîstîn" bilind kirin.
Her wiha xwendekar, xwendekarên lîseyê û xebatkarên şîrketên dewletê jî tevlî çalakiyê bûn.
Xwepêşandêrên ciwan li pêşiya Sefaretxaneya DYE'yê ku piştevanê esasî yê Îsraîlê ye, dirûşma "Yankee faşîst, tu terorîst e" qîriyan.