Li Başûrê Amerîkayê, li Kolombiyayê di festîvala pêşbirka Ga de beşek ji trîbunê hilweşiya. Bûyer li bajarê Espînalê qewimî.

Rayedaran ragihandin ku di bûyerê de heta niha 5 kes mirine û zêdeyî 500 kes jî birîndar bûne.

Tê gotin, ku di nava birîndaran de gelek jin û zarok jî hene.

Pêşbirka Ga, ku bi giranî çandeke Spanî ye, bi lîstin û lêdana li du gayan tê kirin. Dawiyê de jî ga ji aliyê kesekî ku jê re matador tê gotin, tê kuştin. Ev yek jî weke pêşbirkekê û şahiyekê tê nîşandan. Lê belê di serî de rêxistinên hawirdorparêz û parêzvanên sewalan li ber vê yekê radin û dixwazin bê qedexekirin. Li Parlamenta Herêma Xweser a Katalonyayê di sala 2012'an de pêşbirka ga hate qedexekirin.