Li gorî daxuyaniya Wezareta Tenduristiyê, di şewba nû ya kolerayê de ku dawiya Cotmehê destpê kir, 10 hezar û 322 kes pê ketin û 200 ji wan mirin.

Wezîr Manaoûda Malachîe got, şewbê bandor li pênc ji deh herêmên welêt kiriye.

Malachîe li ser Twîtterê daxuyanî da û got, "Baldar bin! Em li gorî tedbîrên hîjyenê tevbigerin."

Şewba beriya niha ya kolerayê di navbera mehên Çile û Tebaxê yên 2020'î de rû da bû û 66 kesan di encamê de jiyana xwe ji dest dabûn.

Li gorî Rêxistina Tenduristiyê ya Cîhanê her sal ji 1.3 milyon heta 4 milyon mirovî bi şewba kolerayê dikevin. Ji 21 hezar heta 143 hezar kesî jiyana xwe ji dest didin.