Qenala televîzyonê NHK û saziyên din ên çapemeniyê ragihandin ku ji ber lehî û hezaza li navenda welêt 6 kesan jiyana xwe ji dest dan.

Ajansa Meteorolojiyê ya Japon (JMA) ragihand ku baraneke beriya niha nehate dîtin bariya.

Rayedarên xwecihî yên li bajarê Ishikawa yê li perava Derya Japon bang li 110 hezar kesî kir ku ji herêmê bêne veguhestin. Her wiha JMA'yê jî ji bo herêmê di asta herî bilind de alarma rewşa lezgîn da.

Li gel lehiyê her wiha li gelek deveran hezazê rû da, rê hatin girtin û nêzî 6.200 mal bê elektrîk man û herî kêm 1.700 mal bê av man.

Bang li artêşê hate kirin ku li seranserê Derya Japon piştgiriyê bide herêma bejahî.