Tîmên alîkariyê îro jî li taxên di nava heriyê de man û li binê malên hilweşiyayî li windayan geriyan.

Li bajarê Kûmano ku bi firçeya makyajê li cîhanê nav daye, gelek xanî di binê axê de man û bûn xirbe.

Li bajarê Kûrashîkî yê eyaleta Okayamayê gelek kes çûn ser banê xaniyên xwe û bi vî rengî hewl dan xwe ji lehiyê biparêzin. Tîmên alîkariyê ji ber zêdehiya ava lehiyê, roja Yekşemê li şûna botan bi keştiyan karê lêgerîn û rizgarkirinê kirin. Rêjeya avê roja Duşemê hinekî kêm bû. Tîmên alîkariyê wê karibin êdî bi peyatî jî karê xwe bikin.

Rojên În û Yekşemê, rêjeya ava lehiyê ya li 93 cihên 14 eyaletan gihîşte asta herî bilind.

54 hezar arkuj, polîs, leşkerên Xweparastinê (artêşa Japonyayê) tevlî karê rizgarkirinê bûn. 5 milyon mirov mirov ji herêmê hatin derxistin.

Felaketa vê dawiyê ya li Japonyayê bû yek ji felaketên herî giran ên dehan salên dawî. Li Hîroşîmayê sala 2014'an erd şemitî bû û 74 kes miribûn.

Mehên Tebax û Îlona 2011'an jî du bager rabûbûn û nêzî 100 kes miribûn.