Çavkaniyên ewlekariyê yên Iraqê ragihandin ku roja Sêşemê berbanga sibehê li sê nuqteyên Iraqê êrîş hatin kirin.

Rayedarekî Wezareta Karên Hundir a Iraqê diyar kir ku yek ji êrîşan li bajarê Hîlla yê li wîlayeta Babîlê ya li başûrê Bexdayê, li dijî qadeke Heşdî Şabî hatiye kirin.

Hate ragihandin ku êrîşa duyemîn li Vasitê hate kirin ku wîlayetek başûrê welêt e. Li gorî agahiyan di vê êrîşê de kesek mir, 20 kes jî birîndar bûn.

Di herdu êrîşan de bi giştî 24 kes birîndar bûn.

Beriya vê daxuyaniyê Wezîrê Parastinê yê DYE'yê Lloya Aûstîn gotibû, "Artêşa DYE'yê bi rengekî pêwîst û hevhêzî êrîş bir se sê navendên li Iraqê ku ji aliyê Kataeb Hîzbûllah û komên din ên pê ve girêdayî ve dihatin bikaranîn."

Tûgayên Hîzbûllahê (Kataeb Hîzbûllah) ji sala 2009'an û vir ve ji aliyê Wezareta Karên Deve ya DYE'yê ve weke 'rêxistina terorê' tê qebûlkirin.

DYE'yê diyar kir ku weke bersiva li êrîşeke nû ya li ser personelên DYE'yê yên li Hewlêrê, wan li Tûgaya Hîzbûllahê xistine.

Berdevka Konseya Ewlekariya Neteweyî ya Qesra Spî Adrîenne Watson ragihand ku li Hewlêrê di êrîşê de 3 personelên DYE'yê birîndar bûne ku rewşa yekî giran e.

Ji 7'ê Cotmehê dema destpêkirina şerê navbera Hamas û Îsraîlê û vir ve li Iraq û Sûriyeyê li dijî leşkerên Emerîkî gelek êrîş hatin kirin.

Li gorî Washîngtonê ji 17'ê Cotmehê û pê ve 103 êrîş hatin kirin ku berpirsyariya piraniya wan Berxwedan Îslamî ya Iraqê li xwe girtiye.