Li Etiyopyayê balafira rêwiyan ket xwarê: Kes bi saxî jê nefilitî
Li Etiyopyayê danê sibehê balafireke rêwiyan ku 157 kes tê debûn kete xwarê. Hate ragihandin ku kes nefilitiye.
Li Etiyopyayê danê sibehê balafireke rêwiyan ku 157 kes tê debûn kete xwarê. Hate ragihandin ku kes nefilitiye.
Balafira rêwiyan a Ethiopian Airlinesê, ji Addis Abebayê diçû Nairobiyê. Hate ragihandin, balafir çend deqeyan piştî bi hewa ket, kete xwarê.
Medya dewletê Fana Broadcasting Corporate ragihand, ji ber ketina balafirê 149 rêwî û 8 personel mirine. Heta niha li ser qezayê agahî nehatiye dayin.
Ethiopian Airlines mezintirîn şîrketa rêyên hewayî ya Efrîkayê ye. Di navbera salên 2017 û 2018'an de vê şîrketê zêdeyî 10 milyon kes bir û anî û 218 milyon Euro qezenca xwe çêbû.
Di nava şeş mehên dawî de cara duyemîn e ku qezaya Boeing 737 MAX rû dide. Par 29'ê Cotmehê balafireke Lion Air a Endonezyayê bi 189 kesên tê de 13 deqe piştî ku ji balafirgeha Cakartayê rabû ketibû xwarê.