Li gorî agahiya ku yek ji niştecihên herêmê daye AFP’ê, ev “êrîşên hemwext û sekronîze” roja Şemiyê li du taxên Dîapagayê ku paytexta eyaleta Tapoa ya li herêma rojhilat e, pêk hatin û bû sedema mirina 15 kesan.

Ji saziyeke civakî ya sivîl berdevk Kondîa Pîerre Yonlî diyar kir ku di êrîşê de 3 endamên “Dilxwazên Parastina Welêt” ku bi armanca alîkariyê bide artêşê hatiye avakirin û 12 sivîl mirine.

Çavkaniyeke ewlehiyê êrîş piştrast kir û got: “Berteka hêzên parastinê li dijî êrîşkaran bû bersiv û bi dehan kes bê bandor hişt.”

Çavkanî ragihand ku li herêma rojhilat operasyoneke hewayî-bejahî didome û got: “Di rewşa heyî de zêdeyî 50 terorîst bê bandor hatin hiştin û hin baregehên wan hatin belavkirin.”

Bûrkîno Faso ji sala 2015’an ve weke yek ji welatên ku çeteyên DAÎŞ’ê û El Qaîdeyê xwe lê rêxistin dikin û komkujiyan pêk tînin, bal dikêşe. Li cîran Malî û Nîjer jî heman rewş heye.

Li gorî rêxistina civakî ya sivîl a bi navê Acled ku qurbanên şerên di çapa cîhanî de lîste dike, ev tundî di 8 salên dawî de bûye sedema mirina zêdeyî 17 hezar sivîl û leşkeran. Hat diyarkirin ku ji destpêka sala 2023’an ve zêdeyî 6 hezar kes mirine.

Li gorî Konseya Alîkariya Rehabîlîtasyon û Alîkariya Lezgîn a Neteweyî (Conasûr) li Bûrkîna Fasoyê ji ber tundiyê zêdeyî 2 milyon mirov rû bi rûyê koça hundir man.