Polîsên Berlînê diyar kirin bombe li dora Alexanderplatzê hatiye dîtin. Polîsan li ser Twîtterê daxuyanî dan û gotin, bombe bi rengekî serkeftî hatiye bêbandorkirin û şêniyên li derdorê di demeke kurt de wê bikaribin li malên xwe vegerin.

Ji bo îmhakirina bombeyê Înê 3 hezar kes ji herêmê hatibûne valakirin.  Ji bo îmhakirinê bi qasî 300 metroyî xeleka ewlehiyê hatibû çêkirin. Hate gotin bombeya ku li nêzî navenda kirîn û firotinê hatiye dîtin, ji hêla balafirên Emerîkayê ve hatiye avêtin û neteqiyaye.