Li Şerîda Xezeyê hejmara miriyan gihişt 20 hezarî
Wezareta Tenduristiyê ya Hemasê ragihand ku ji 7’ê Cotmehê heya niha herî kêm 19 hezar û 667 kesan ji ber êrîşên Îsraîlê jiyana xwe ji dest dane.
Wezareta Tenduristiyê ya Hemasê ragihand ku ji 7’ê Cotmehê heya niha herî kêm 19 hezar û 667 kesan ji ber êrîşên Îsraîlê jiyana xwe ji dest dane.
Wezareta Tenduristiyê ya Hamasê ku kontrola Şerîda Xezeyê di destê wan de ye ragihand ku hejmara kesên ku li Şerîda Xezeyê ji ber şerê Îsraîl û Hemasê hatine kuştin gihiştiye 19 hezar û 667 kesan.
Li gorî Hamasê jî di êrîşên asmanî de herî kêm 52 hezar û 586 kes birîndar bûne.
Li gorî Wezareta Tenduristiyê her wiha di êrîşa Îsraîle de ya li ser kampa penaberan a bi navê Cîbaliyeyê ya li bakurê Xezeye 13 Fîlîstînî hatine kuştin û 75 kes jî birîndar bûne.
Roja Duşemê jî hatibû ragihandin ku li kampa Cîbalîyeyê 110 kes hatibûn kuştin. Kampa Cîbalîyeyê di nava 8 kampên li Xezeyê de ya herî mezin e û nêzî 116 hezar penaber lê dimînin.