Li bakurê  Îtalyayê li 10 bajaran heta du hefteyan tecrîd hate îlankirin. Ji ber fikara wê vîrus belav bibe, rayedaran karnavala Venedîkê betal kirin.

Serokwezîr Gîûseppe Conte diyar kir ku ketin û derketine hin qadan wê ji xeynî destûrên taybet ne pêkan be. Tê diyarkirin ku li van qadan 50 hezar kes hene.

Serokwezîr biryar da ku bila saziyên şîrket û perwerdehiyê werin girtin. Karnaval û musabaka jî hatine sekinandin.

Şefê Parastina Sivîlan Angelo Borrelî diyar kir ku li Îtalyayê wan 132 nexweş tespît kirine û bi giştî 3 kes ji ber vîrusê mirine.

Ev vîrus li Çînê hatibû tespîtkirin û heta niha 2 hezar û 400 kes ji ber vîrusê mirine.