Balafireke kargo ya bi tîpa Boeîng 707 li nêzî Tehranê kete xwarê. Li gorî daxuyaniya saziya hewakariyê ya Îranê, balafir dema ku dadiket qeza kiriye.

Li gorî ajansa nûçeyan a Farsê ku nêzî artêşa Îranê ye, 16 kes di balafirê de hebûn û tenê mekanîsyenek jê filitiye. Li gorî bîlançoya destpêkê herî kêm 13 kes mirine.

Ajansa nûçeyan a Tasnîmê ragihand, balafira kargo yal eşkerî goşt ji paytexta Kirgizîstan Bîşkekê dianî.

Televîzyona dewletê diyar kir, balafir ji pîstê derketiye û li avahiyekê ketiye.