Li Fransayê kûryeyekî şîrketa belavkirina xwarinê ya bi navê Delîveroo sîparîşên mişteriyên xwe yên Cihû bi cih neanî. Fransayê 4 meh cezayê girtîgehê lê birî û ew dersînor kir.
Wezîrê Karê Navxweyî Gerald Darmanîn li ser twîtterê daxuyanî da û diyar kir ku wan cezayê girtîgehê dane kûryeyê ku nexwestiya xizmeta mişteriyên Cihû bike.
Vî kûryeyî di meha Çileyê de du caran diyar kiribû ku ew ê sîparîşên mişteriyên Cihû bi cih neyne. Ji ber vê redkirinê çar mehan cezayê girtîgehê û cezayê pere lê hatibû birîn.
Piştî ku cezayê xwe kişand, ev kûrye şandin Cezayîrê ya ku ew hemwelatiyê wê ye.
