Li gorî lêkolîna hevpar a bankeyeke Swîsreyê UBS û saziya şêwirmendiyê PWC, di navbera salên 2017 û 2020'î de hejmara milyarderên li cîhanê zêde bû. Hejmara milyarderan sala 2017'an 2 hezar û 158 bû, di Tîrmeha sala 2020'î de bû 2 hezar û 189 kes.

Mijareke din a ku di lêkolînê de bal kişand ew e, ku sermayeya milyarderan zêde bûye. Li gorî Bankaya Cîhanê îsal bi dehan milyon mirov xizan û birçî bûn, lê milyarderan bi 1.3 trîlyon dolarî bêhtir dewlemend bûn.

Li gorî vê yekê di sala 2017'an de sermayeya giştî ya milyarderan 8 trîlyon û 900 milyar dolar bû. Ji meha Adarê heta Tîrmeha 2020'an ku krîza aboriyê mezin e, ev rêje gihîşt 10 trîlyon û 300 milyar dolarî.