Rojnameya Faz ku li Elmanyayê rojane derdikeve nivîsand ku li Efrînê ‘rastî tê kuştin.”

Di nivîsa Bulent Mûmay a duh (9’ê Sibat) di rojnameyê de hatibû weşandin bal hatibû kişandin li ser êrîşên dewleta Tirk ên li ser Efrînê. Di nivîsê de tê gotin ku ‘Li pey çûyîna rastiyan û îtirazkirin berdêla wê gelek giran e’. Di nivîsê de kesên ku rexne dike weke ‘terorîst’ tê dîtin û di vê çarçoveyê de gelek rêveberên TTB yê hatine binçavkirin.

‘WINDAHIYA MEZIN A ARTÊŞA TIRK...’

Di nivîsê de hate gotin windahiya herî mezin bi êrîşeke ser tankekê daye û got bi vê wesîleyê rastiyeke di jî 'miriye'; Li gorî daneyên destpêkê fuzeya Rûsya ku mutefîkê herî mezin yê Erdogan e, bûye sedama mirina 5 leşkeran. Hate eşkerekirin ku tanka ku PYD’ê bi fuzeyan êrîş kirî  bi marqa Leopard a ji aliyê Elmanyayê ve hatiye çêkirin . Bila bi bîra we were Berdevka Wezîrê Karê Derve ya Elmanya Marîa Adebahr bawer nekir ku wêneyên rojnamevanên yên beriya mehekê li Efrînê kêşabûn yê tanka Leopard e û wiha gotibû “Em nikarin piştrast bikin ku tankên Leopard ji aliyê Tirkiyeyê ve li Efrînê tên bikaranîn, di vî warî de agahiyekî me nîne.”