Ji 12'ê Mijdarê heya niha xebatên rakirina kavilên tunela ku li eyaleta Uttarakhand a Hîmalaya tê çêkirin hilweşiya, dewam dikin.

Tîmên rizgarkirinê roja Çarşemê nêzî karkeran bûn û lez dan xebatên xwe. Sibeha Pêncşemê li ber deriyê tunela Silkrayayê kelecaneke mezin hebû. Ambulans anîn cihê bûyerê.
 
Endamê ekîba rizgarkirinê Praveen Yadav ji rojnamevanan re got: "Ji bo ku wesayitên sondajê beşa dawî bikolin, rê ji nû ve hatiye vekirin."

Yadavî xeberdana xwe wiha dewam kir: "Me rê birî û paqij kir û em hêvîdar in ku wê tîmên rizgarkirinê di çend saetên pêş de hemleya dawî bikin."

Hikûmetê gelek caran anî ziman û bal kişand ku pirsgirêkên teknîkî, erdê Himalayayê û bûyerên ku nayên texmînkirin, tesîrê li  xebatên wan dike.

Tîmên rizgarkirinê roja Sêşemê yekem car bi rêya kameraya endoskopîk têkiliya dîtbarî  bi karkerên asê mane re danîn.