Di dema ku operasyona li Mûsûlê li ber bidawîbûnê ye, Serokwezîrê Iraqê Haydar El Ebadî çû serdana bajêr. Li gorî daxuyaniya nivîskî ya Ofîsa Serokwezîrtiyê wiha hate gotin: “Serokwezîrê Iraqê û serfermandarê operasyona Mûsûlê Haydar El Ebadî çû serdana Mûsûlê.” Di daxuyaniyê de hat diyarkirin ku Ebadî têkildarî operasyonê agahî wergirtiye.

Çeteyên DAIŞ’ê di 10’ê Hezîrana 2014’an de Mûsûl dagir kiribû û di 17’ê Cotmeha 2016’an de jî operasyon hatibûn destpêkirin. Rojhilatê bajêr di 24’ê Çileyê de ketibû bin kontrolê û ji bo rizgarkirina aliyê Rojava jî ji 19’ê Sibatê û vir ve operasyon didomin.

Tê diyarkirin ku tenê 5 tax di destê DAIŞ’ê de mane.